zentzumenekin
eta zentzuz
Dastamena
Gauza berriak probatzeak ez digu beldurrik ematen. Handik eta hemendik hartutako osagaiekin errezeta berritzaileak prestatzen ditugu. Sormen prozesuari lehentasuna ematen diogu, probatzen dutenek beraz, zapore bereziak dastatzeko aukera izango dute.
Entzumena
Pertsonek esateko dutena eta isiltzen dutena entzuteko gaitasuna daukagu. Elkarrizketa, eztabaida talde eta partaidetza tekniken bitartez pertsonei eta taldeei hitza ematen diegu.. Ahalduntze pertsonal eta kolektibo prozesuak dira hauek.
Ikusmena
Begiak zabal-zabalik ditugu, fokua leku egokian jarriz eta ikuspegi holistiko batetik. Begi bistan dagoena eta ezkutatzen denaren detaile txikiena ere jasotzeko gai gara. Behaketa parte-hartzailean adituak gara.
Talde lanean aritzen gara, lau begik bik baino gehiago ikusten dutela sinesten baitugu.
Ukimena
Mimoz lan egiten dugu, eskuz-esku; talde dinamikak eta pertsonen interakzioarekin lotutako teknikak erabiliz. Gure bezeroek emaitza konkretuak eta haien neurrira egindakoak jasotzen dituzte.
Usaimena
Aukera berriak, tentsioak, ilusioak… urrutitik usaintzeko gaitasuna daukagu. Irudimenari ere bidea libre uzten diogu, nahi duen bidaia egin dezan.
"Emakumeak euskal kooperatibismoan" jardunaldia antolatuko dugu uztailaren 7an Eibarren
2023/05/31
Uztailaren 7an, Farapik "Emakumeak euskal koooperatibismoan" ikastaroa antolatuko du Lanki eta UEUrekin elkarlanean. Udako Euskal Unibertsitatearen aurtengo eskaintzaren baitan antolatutako jardunaldia da hori, eta Eibarko Markeskua Jauregian izango da. Matrikulazioa zabalik dago uztailaren 3ra arte.
Osasun publikoaren aldeko jardunaldiak antolatuko dituzte Teila Fabrikan
2023/05/08
Maiatzaren 16an eta 17an, 18:00etan, "Osasun publikoaren alde: Gogoetak eta borrokak" jardunaldiak antolatuko ditu Teila Fabrikak, Egia Bizirik auzo elkartearekin batera.
