Bost
zentzumenekin
eta zentzuz

Dastamena

Gauza berriak probatzeak ez digu beldurrik ematen. Handik eta hemendik hartutako osagaiekin errezeta berritzaileak prestatzen ditugu. Sormen prozesuari lehentasuna ematen diogu, probatzen dutenek beraz, zapore bereziak dastatzeko aukera izango dute.

Entzumena

Pertsonek esateko dutena eta isiltzen dutena entzuteko gaitasuna daukagu. Elkarrizketa, eztabaida talde eta partaidetza tekniken bitartez pertsonei eta taldeei hitza ematen diegu.. Ahalduntze pertsonal eta kolektibo prozesuak dira hauek.

Ikusmena

Begiak zabal-zabalik ditugu, fokua leku egokian jarriz eta ikuspegi holistiko batetik. Begi bistan dagoena eta ezkutatzen denaren detaile txikiena ere jasotzeko gai gara. Behaketa parte-hartzailean adituak gara.

Talde lanean aritzen gara, lau begik bik baino gehiago ikusten dutela sinesten baitugu.

Ukimena

Mimoz lan egiten dugu, eskuz-esku; talde dinamikak eta pertsonen interakzioarekin lotutako teknikak erabiliz. Gure bezeroek emaitza konkretuak eta haien neurrira egindakoak jasotzen dituzte.

Usaimena

Aukera berriak, tentsioak, ilusioak… urrutitik usaintzeko gaitasuna daukagu. Irudimenari ere bidea libre uzten diogu, nahi duen bidaia egin dezan.

LAN ESPARRUAK

ESKUARTEAN

Ama izateak kooperatibetan sortzen dituen tentsioez

2023ko abenduaren 14an berriz elkartu ginen Hernaniko Kulturarteko Plaza Feministan, amatasunen eta proiektu kooperatiboen inguruko hausnarketa kolektiboarekin jarraitzeko. Lehenengo saioan gaiari hurbilpena egin ondoren, bigarren…

LARRUTIK jaio da, Interkooperazio feministarako sarea

Manifestu honen bidez, LARRUTIK Interkooperazio Feminista aurkeztu nahi dugu, Ekonomia Sozial Eraldatzaile Feministaren markoan lan egiten dugun kooperatiba eta elkarte sarea. Oraingoz, eragile desberinek osatutako sarea…