Eskuartean rss

JAIETAKO BERDINTASUN BEHATOKIA EBALUATZEN

2021/01/20

Azkenengo 2 urteetako Tolosako Jai Berdinzaleentzako Behatokiaren ebaluazioa egin dugu Berdintasun eta Jaietako teknikariekin. Horretarako eraldaketa kontzientearen logikako eskema egokitu dugu. Irizpide batzuk aukeratu ditugu (emaitzak, ikaspenak, taldearen auto-errekonozimendua eta eraldaketa prozesuaren barneratzea) eta horrekin abiatu gara behatokia baloratzeko. Lehenbiziko aldia zen eskema konplexu hori moldatzen genuela ebaluazio saio txiki batera, eta oso ongi funtzionatu du. Gustura gelditu gara!

Behatokia Tolosako udaleko bi saien arteko elkarlanaren ondorioa da, Jaiak eta Berdintasuna. Ebaluazioa bi arlo hauek burutu dute eta urte hauetan burututako mugarri guztiak esanguratsuak izan direla adostu dute, batzuk pausuak aurrera emateko balio izan dute eta beste batzuk behatokiaren ibilbiderako beharrezkoak bezala identifikatu dira. Mugarri guzti hauetatik, Berdintasun eta Jaietako teknikariak, bat azpimarratu dute eta hau sakonago aztertu dugu: 2019an, bi arloen artean burututako bilera bat. Bilera horretan, alde batetik txupinazoan historikoki gizon eta emakumeen artean zegoen arrakala murrizten joateko irizpideak adostu genituen eta bestetik, musika kontratazioetan emakume gehiago programatzeko adostutako irizpideak eta marra gorriak definitu genituen. Bilera honetan lehenbiziko aldiz, Behatokiak tresna praktiko bat sortu zuen jaietan eragin zuzena izango zuena.

Irizpide hauen inguruan gehiago jakiteko lotura honetako 42. eta 46. orrialdeetara joan https://udala.tolosa.eus/sites/default/files/JAIETAKO%20BEHATOKIA%20%20EMAITZAK%202019%20LABURPENA_compressed.pdf


facebook
0
twitter
Farapi

Mundaiz bidea 10, 23.bulegoa
20012 Donostia-San Sebastián (Gipuzkoa)

Calle Travieso 27, 2-A
35002 Las Palmas de Gran Canaria

T (+34) 943 00 35 85
F (+34) 943 00 35 84
info@farapi.com