Emakumeen ahalduntzera eta emakumeek gizarteari egindako ekarpena balioan jartzera bideratutako proiektua. Ahalduntzeari begira, helburu bikoitza izan du: Alde batetik, Segurako hainbat emakumez osatutako lan-taldea sortu da eta haien arteko elkarlana eta elkarezagutza sustatu dira. Bestetik, lan talde hau oinarri izanda, Segurako historian garrantzitsuak izan diren emakumeak eta espazioak berreskuratzeko ibilbide historiko-turistiko eta pedagogiko bat osatu da. Egindako lanaren aitortza egin zaie zesterian lan egin zuten emakumeei, Txanbolipen pelotan jolasten zuten neskatoei edo herriko emaginei.