Eskuartean rss

Bereizi behar da zer den distantzian egin daitekeena, eta zer ez

2021/03/24

Lan dinamiketan, harreman eta gatazken lanketetan adituak diren ekonomia sozialeko hiru eragile elkartu ditugu Leitzaranen, indarrean datorren errekaren ertzean: Harago Aholkularitzako Aran Erasun Urtzelaieta, Farapiko Araitz Rodríguez Gutierrez eta Gabriela Errenteria Esparza, eta Arremanitzeko Edurne Mendizabal Amanda. Nola ari dira lan moldeak aldatzen pandemian? Nolakoa behar luke etorkizuneko lanak? Nor bere ahotik mintzo direla argi utzi dute, goizegi baita taldean adostutako diskurtsorik izateko.

ARTIKULO OSOA: https://www.argia.eus/albistea/bereizi-behar-da-zer-den-distantzian-egin-daitekeena-eta-zer-ez

JAIETAKO BERDINTASUN BEHATOKIA EBALUATZEN

2021/01/20

Azkenengo 2 urteetako Tolosako Jai Berdinzaleentzako Behatokiaren ebaluazioa egin dugu Berdintasun eta Jaietako teknikariekin. Horretarako eraldaketa kontzientearen logikako eskema egokitu dugu. Irizpide batzuk aukeratu ditugu (emaitzak, ikaspenak, taldearen auto-errekonozimendua eta eraldaketa prozesuaren barneratzea) eta horrekin abiatu gara behatokia baloratzeko. Lehenbiziko aldia zen eskema konplexu hori moldatzen genuela ebaluazio saio txiki batera, eta oso ongi funtzionatu du. Gustura gelditu gara!

Farapi: Kudeaketa indibidualetik kolektibora pasa eta proiektu bizigarriago bat irabazi

2021/01/07

Farapi kooperatibako kideek azaldu dute nola jarri zuten "hankaz gora" kudeaketa eredua. Gerentearen figura "fusilatu" eta urtebeteko prozesuaren ondoren erabaki guztiak kolektiboan hartzeko egitura sortu dute. Bidean, bizigarritasuna kudeaketa ereduaren oinarrian kokatuz, ekonomikoki bideragarria izaten jarraitzen duen proiektua eraiki dute.

https://www.argia.eus/albistea/farapi-kudeaketa-indibidualetik-kolektibora-pasa-eta-proiektu-bizigarriago-bat-irabazi

Zumeak. 60 urtetik gorako pertsonen harremanak eta bakardadeak parte-hartzearen bidez aztertzeko lana

2020/07/27

Donostiako Udaleko Osasunaren Sustapenerako atalak sustatutako ekimen bat da, osasuna era positiboan ulertu eta osasunaren mugatzaile sozialen abordatzea helburu nagusitzat dituen lan ildoan barneratua. Donostia Lagunkoia eta Donostiako Erretiratuen Elkarteekiko Laguntasuna Hobetzeko Laguntza Teknikoa eta Akonpainamendua emateko Udal Zerbitzuekin elkarlanean gauzatu da.

Herrigintza COVID 19 garaian ere

2020/07/22

Oraindik goiz da COVID 19ren ondorio guztiak neurtzeko, eta zein esparruetan izango duen inpaktu gehien baloratzeko, baina agerikoa da gizarte mailan etorkizunean asko eragingo duten aldaketa batzuk ematen ari direla. Erakunde publikoek gizartean sortzen ari diren beharrei erantzuteko ardura dute, eta aldi berean, hauen inguruan hausnartu, birposizionatu eta udal-funtzionamendua egokitzeko erronkei ere heldu behar diete.

 

Erantzukizunez erantzun! Eta guk zer egin dezakegu?

2020/07/17

Koronavirusaren pandemiaren ondorioz sortu den egoerak sakonki astindu du gure gizartea bere esparru guztietan. Orain arte beti existitu eta gure gizartean egon diren beharrak azaleratu eta lehen lerrora ekarri ditu, hauek bisibilizatuz. Gizarte bezala hainbat errokei aurre egin beharko diegu eta honetan ere enpresok  zeregin esaguratsua dugu, erantzunkidetasunez erantzuten.

PERTSONA HELDUAK ETA KONEXIO SOZIAL DIGITALA. GIPUZKOAKO ERRONKEI HURBILPENA

2020/07/03

Ikerketa hau Gipuzkoako adinekoen artean komunikazioaren teknologien erabilera eta digitalizazio maila ezagutu eta gai honetan dauden gako eta erronkak identifikatzeko hurbilpen bat da.

JAIAK BIRPENTSATU AHAL DITUGU, MOMENTU HONETAN ERE!

2020/05/19

Jaiak, gure herritako momentu gorenak, urte osoa hauen zain eta aurten dirudienez... jairik ez! baina inzertidunbre garai hauek ere aukerak ematen dizkigute, zergatik ez jaien inguruan hausnartu, ditugun jaiak nahi ditugunak dira? herritar guziok berdin parte hartzen dugu? beti berdinak gaude jai bileretan, zergatik? sortu ditugun erabaki guneak guztiok parte hartzeko egokienak dira? urtero programa berdina pentsatzen dugu, zergatik ezin ditugu ekintza berriak sortu? zergatik emakumeeak eta migratuek gutxiago parte hartzen dute gure jaietan? 

BAKARDADEA, ZAHARTZAROA URRETXUN

2020/05/06

Zahartzaroaren eta bakardade egoeren arteko lotura aztertzea premiazkoa da. Izan ere, populazioa zahartzen ari da, gero eta gizarte zaharkituagoa dugu; zahartzaroa ulertu eta bizitzeko modu berriak agertu dira eta zaintzaren paradigman jazo diren aldaketak egoera berriari maila pertsonal, komunitario eta instituzionalean nola erantzungo diogun galdetzea eta erantzutea eskatzen du.  

KOOP FABRIKA: GIZARTEAREN BEHARRAK ASETZERA BIDERATUA DAGOEN EKONOMIA SUSTATZEN DU

2019/11/12

Gure kidea den Nerea Eliaseri egindako elkarrizketa usten dugu hemen, gaia: Koop Fabrikaren beharraz eta zergatiaz.

http://goiberri.eus/2019/11/08/gizartea-eraldatuz/

Tolosako Jai Berdinzaleen Behatokiaren emaitzak argitaratu dira

2019/11/06

Farapitik Tolosako berdintasun arloarekin elkarlanean Jaiak Berdinzaleagoak egiteko Behatokia sortu genuen duela 3 urte eta aurten 3. txoztena argitaratu dugu. Pozik gaude egiten ari garen lanarekin, jai berdinzaleen aldeko prozesuak poliki ematen diren horietakoak dira, baina ibiltzen egiten da bidea.

Hortxe txoztena kuxkuxeatzeko lotura:

https://udala.tolosa.eus/eu/zerbitzuak/berdintasuna/programa-eta-proiektuak/jaiak-behatokia-eta-gida/jaiak-behatokia

Farapi

Mundaiz bidea 10, 23.bulegoa
20012 Donostia-San Sebastián (Gipuzkoa)

Calle Travieso 27, 2-A
35002 Las Palmas de Gran Canaria

T (+34) 943 00 35 85
F (+34) 943 00 35 84
info@farapi.com